AVOMM-INFOS
Lundi 1 Septembre 2014

Le bureau exécutif de l'AVOMM

"L'important n'est pas ce qu'on fait de nous, mais ce que nous faisons nous-mêmes de ce qu'on a fait de nous." Jean-Paul Sartre

Le bureau exécutif de l'AVOMM
"L'Association d'aides aux veuves et aux orphelins de mauritanie (AVOMM) qui nous rassemble, a été créée le 25/12/95 à PARIS par d'ex-militaires mauritaniens ayant fui la terreur, l'oppression, la barbarie du colonel Mawiya o/ sid'ahmed Taya ......

Ces rescapés des geôles de ould Taya, et de l'arbitraire, décidèrent, pour ne jamais oublier ce qui leur est arrivé, pour garder aussi la mémoire des centaines de martyrs, de venir en aide aux veuves, aux orphelins mais aussi d'engager le combat contre l'impunité décrétée par le pouvoir de Mauritanie."

E-mail : avommavomm@yahoo.fr

Bureau exécutif:

Mme Rougui Dia, présidente

M.Amadou Bathily , secrétaire général

M. Hamdou Rabby Sy, chargé de la communication et porte-parole

M. Demba Fall, trésorier

M. Ngolo Diarra, secrétaire chargé de l'organisation

M. Boubacar Thiam, commisaire aux comptes

Mme Mireille Hamelin, webmestre

Le bureau exécutif de l'AVOMM

Le bureau exécutif de l'AVOMM

Le bureau exécutif de l'AVOMM

Le bureau exécutif de l'AVOMM

Le bureau exécutif de l'AVOMM

Le bureau exécutif de l'AVOMM

Le bureau exécutif de l'AVOMM

AVOMM

MBELE KO JOKKUDE TAN BOJJI?


Murtudo e katante Lenol
Murtudo e katante Lenol
Leñol Fulɓe ko ɓooyngol, ganndangol he leyɗe keewɗe. Leñol Ngol ena mooɓi kinɗe keewɗe e golle ceertuɗe he nder gure, leyɗe e duuɗe. Ko wayde ngol noon addani daartol maggol jiiɓanii jili keewɗi haa nguurndam maggol saɗti joganaade coɗol gootol e tuugnorgal ngal yonta hannde waawi tawde he mooftal keeringal. Aɗen njogii hannde laaɓnde keewɗe ɗe annduɓe renndo ngoo njonti jaabaade ngam ittan’de renndo ngoo ko ɓuri heewde he caɗeele nguurndam leƴƴi. Holi no leñol men wiyatee ?, Holi to woni iwdi leñol ngol ?, Holi nafoore walla caɗeele kinɗe leñol ngol ?, Holi peeje njoganiɗen leñol ngol haa heɓa he renndo ngoo fotde mum tawa ena waɗani ngo kala ko foti waɗde. Miɗo jooɗtorii maa annduɓe men njaabo ɗee laaɓnde he mbaydi ganndal e njuɓɓudi keeriindi. Leñol fulɓe ena yaaji, kono ko keeri ɗi laamuuji aduna pecci he koɗorɗe mum en haa huunde he ɓesngu maggol pamɗini jiydigal e ngootaagu mum en. Caggal nde gannde e ñeeñe kese ngaddani yonta kuwtorɗe nguurndam to senngo binndi, nate, kaalirɗe, ayawooji, taƴtirɗe jolɗe e kumpitale keeriiɗe; Fulɓe teskiima ɗaweede ko heewi he ɗeen geɗe tawi saabii ɗuum ko laamuuji hoyram-hoyraagu e neɗɗaagu ngu leñol ngol jogii haa wonti kuwtorgal ɓeen jannguɓe hodo e wuurdude doole janane ko aldaa e nuunɗal potnongal sañireede nguurndam. Fulɓe ana carii he leyɗe, kono woodaani leydi ɗo ɗemngal pulaar tottaa geɗal mum haa yoni to haalirde e ayaawo ngenndi. Gullitaali keewɗi maɗaama, fotdeeji laaɓndaama, kono tan laamuuji ɗi nuunɗaani nani cuɓtii woon ɗemɗe ena mbaɗi ɗum en laɓɓe heediheedani ngam yaɓɓude ɗemɗe ngenndi keddiiɗe.
So en dokkii yeru he leydi SENEGAAL, fotde ɗemɗe 25 ena he mayri, heen 19 ko keɓtinaaɗe he laamu. So en keɗiimma haalirde walla en ndaarii ayaawo ngenndi ngoo, en tawat ko ɗemngal gootal joɗɗinaa haa feewnitii, godɗe ɗee mbaɗanaa meeɗnel wallanii ɗe mbaɗtaa no teŋkoowo he galle galo ɗawoowo.
Caggal yontaaji jawtuɗi ɗii, ko Sammba Aadama Caam en , Tijjaani Aan en e heewɓe ɓe mi etotaako limtude inɗe mum en, ngudditani en dame, ɓe kirjini ɓesngu leñol ngol he maandaade ngonka renndo heso ngoo haa yottii he yontaaɓe men hannde dillooɓe he ɓamtaare leñol ngol to senngo kumpital.

Pelle ɓamtaare keewɗe ngoodii, lanndaaji dawrugol ndarnaa, ngenndiyaŋkooɓe tafi pelle e goomuuji jannginooɓe, fin’dinooɓe e suusnooɓe sagataaɓe men. Tuggi batuuji Bambakoo haa yottii TABITAL PULAAKU WINNDERE e pelle keewɗe, cariiɗe he koɗorɗe Fulɓe. Naalaŋkooɓe, jannginooɓe, magiyaŋkooɓe, haralleeɓe men ngaafɓe jaayɗe, kaalirɗe Tuddunde e lowe pulaar e winndiyaŋkooɓe jime e jimɗi Pulaar ndokkondiri juuɗe e pelle ɓamtaare, ndema, awo, ngaynaaka e ñeeñal ngam riiwde majjere, ñawu e basal. Hannde ndee ɓadli keewɗi ƴiggitiima warñeende ndimaagu mbele pulaar heɓa fotde mum he kala jookdu winndere. Pelle kese ngaafaama ngam ñawndude ɗeen joote: Ena woodi fedde haɓantoonde potal ɗemɗe leydi Senegaal e gardagol Demmba Soh mo Juuwde jaaɓi to Farayse.
Ndeen fedde waɗiino wullitaango rafi potal ɗemɗe ngenndi to haalirde e ayaawo Senegaal, fotde 4000 aadee ciifii heen. Ɗum jibinii teskuyaaji mawɗi etee hay so haalaaka, en paamii won ko fuɗɗaa heɓeede ko dille ɗee caabii.

Fedde ndee seeraani he waɗde seppooji he leydi Farayse etee ande jokki golle haa nde laamu Senegaal felliti tottude kala ɗemngal fotde mum haa yona. Ndeen fedde noon so haalaama ko alaa he sago njaaren mawɗo men Abdullaay Lih mo Wodobere ngam darned e pellital o waɗi haa nde woodaa kadi o ɗowi nde haa nde darni koyɗe.

En kaalii darned fedde potal ɗemɗe ngenndi Senegaal, kono paamen fayndaare mayre ko jojjitde ko laamu leydi foti waɗan’de ɓesngu mum. So tawii noon ko geɗe laaɓndiiɗe coggu walla dental keeringal, ɗuum nde ɗaldi ko pelle walla dente godɗe garoyooje.

Jooni naatanen hollitde renndo ngoo ko woni ummannde fedde JAAYRE PULAAR e nguurndam mum:
Caggal lebbi 12 jawtuɗi dental gootal woodii he tuddunde yiiryiirnde ( Enternet ) to senngo ESKAAYEB
“ skypes” ngal inniraa DINGIRAL FULƁE woni ɗo yimɓe kawrinta miijooji mum en ngam ñawndude jooto Pulaagu e daranaade ɓamtaare leñol ngol. Yimɓe heewɓe ena kawratnoo to haalirde men HAAYRE LAAW haa ganndondire keɓaa heen, enɗam wuurti , miijooji njultondiri. Ko ndeen udditaare jibini miijo Dingiral Fulɓe to senngo skypes.

Ko adii nde naataten he mbunndi nguurndam JAAYRE PULAAR, ena haani njaaren mawɗo men Mammadu Yaayaa BAH mo WOCCI e WAALALDE caabiiɗo goodal dingiral Fulɓe haa miijooji ndañaa yoo fedde aafe tawa ko heerantoonde goodal haalirde e Ayaawo Fulɓe to ngootiri he leyɗe men. Ko ɗiin miijooji ngaddani Fedde JAAYRE PULAAR jibineede he gardagol Ibraahiima Kan Katante leñol mo Aañam Yeroyaaɓe to leydi Farayse.

Ndeen fedde ari ko tammbanaade leñol ngol rogere nde heewɓe ngoƴaa tawi noon ena waɗaa diwre sawaawo: Fayndaare JAAYRE PULAAR ko yoo ɓesngu Fulɓe rentin gannde, peeje e jawdi mum mbele haalirde e ayaawo pulaagu ena dañee to ngootiri he leyɗe men. Fedde ndee ena rentini leyɗe Fulɓe kala e duuɗe ɗe ɓe ɗannorii. Fedde nde tafiraa ko mbaydi TABITAL PULAAKU WINNDERE. Jooɗorde yiilirde toownde ndee woni ko to leydi Farayse, kono jagge mayre ko cariiɗe he duuɗe ɗee. Batuuji fedde ndee mbaɗatee ko he SKYPES e ballal Ibraahiima Demmba Jah mo Siñcu bamammbe. Caggal nde JAAYRE PULAAR heɓtinaa he laamu Farayse, nde ummanii hannde ko yoo kala leydi aaf ɗoon cate e peŋɗe.

Dañirɗe fedde ndee ko: Piye, yarlitaare e balle. Mbaydi piye: Gonɗo AFRIK fiyata he hitaande ko 1OO (Teemedere) Seefaa walla njaru mum. Wonɓe he duuɗe keddiiɗe ɗee ko 2O ooroo (Noogaas) walla njaru mum. Hitaande kala fiyatee ko laawol gootol. Kala yiɗɓe anndude he nguurndam fedde ndee ko ɓuri yaajde, yoo o jokkondir e yiilirde toownde ndee he ɗee jokkorɗe. Hoyreejo: 06 16 28 27 79. Koolaaɗo Kuuɓal: O6 61 46 65 94. Walla mbinndon min he: jaayrepulaar@yahoo.fr

Banndiraaɓe, ko goonga en keewii pelle, kono ko ɗuum waawata wallude en hannde tawa fedde kala ena jogoo ko heerorii to ñawndugol caɗeele men. Yoo won noon he jili (hakkillaaji) men ko enen ndenndi pelle ɗee kala. Hay heen wootere hoto yiyru wodnde ndee ari ko haɓaade ɗum. So en ngoɗɗinii miijooji , en tawat fayndaare ndee ko wootere. Gooto he men ana waawi jeyeede he pelle ɗee kala, tawa omo faami kadi omo faamanaa ko o neɗɗo gooto mo wutteeji keewɗi: Kala fedde nde ñalngu mum dawraa, o ɓoornoo wutte mum.

So tawii won dille laaɓndii keewal pelle, fedde kala adda hoolaaɓe mum e dawrugol mum tawa aɗen njananaa dentaangal pelle ɗee kaɓantoo tan ko jam Pulaagu, kisal e ɓamtaare mum. Ko adii tonngugol ndee winndannde, ko jaaroore heeriinde fayde he ALHAJJI NJAAY jom ayaawo 2 STV to Senegaal ngam darnde makko e pellital makko. Hay so wonaano geɗal o ittani leñol to ayaawo makko ngal, omo haani jaareede ngati so kala pullo daraniima won’de huunde he leydi mum no makko nii, maa leñol ngol teddine he winndere ndee kala.

Fotde men he ko o waɗi koo ko geɗe tati: Njaaren mo, mballondiren e makko e moƴƴinen ko o rokki en koo. Tonngol winndannde ndee ko eeraango: Kala fedde nde ɓiɗɗo pullo waawi jeyeede, yoo o waɗ yila makko he TABITAL PULAAKU WINNDERE, o jeyee he catal walla penngal gonngal he nokku makko.
En meeɗaani dañde fedde rentinnde Fulɓe kala, etee so TABITAL firtiima; mooɓtude Fulɓe he fedde wodnde ko huunde saɗtunde waɗde.

Tabital yoo darano anndude dentaangal pelle Fulɓe he kala ko ɗe mbaawi ummanaade, ngal annda ko ɓesngu maggal, ngal ñoota, ngal fooɗta kadi ngal goongɗinana kala fedde walla teelɗo miijo mum e darned mum tawa noon angal humpitii ɗuum telɓintah ko ngal ummanii koo. Njanngen, ngollen, njiɗen ko men tawa aɗen pasnii ko hoɗdiiɓe men. Hoto cerindoɗen kono kadi hoto caayen. Nanngen ko men, hoto kappitoɗen ko jananɓe, nuunɗen he ko ndenndaɗen.
On njaaraama. Haralleeɓe men ngaafii jaayɗe, kaalirɗe Tuddunde e lowe pulaar haa ɗeen golle cuusni en ndeke ko ngummaniɗen koo ena aaɓnoo.

Ibraahiima Umar Kan Katante leñol mo Aañam Yeroyaaɓe
Lundi 13 Août 2012 - 22:41
INFOS AVOMM
Accueil | Envoyer à un ami | Version imprimable | Augmenter la taille du texte | Diminuer la taille du texte



1.Posté par NIANE le 13/08/2012 16:48 (depuis mobile)
Hibrahima umar kan a yettama a jarama e gollema,léniol sena yaara yeeso ko ma joggo ardibe waabe no maa ni, mbida yiddi jokkondiral

Nouveau commentaire :


Dans la même rubrique :
1 2 3 4 5 » ... 514