Eeraango Fayde he Bidbe Moritaninaabe

Musidbe teddube , sikke alaa gila nyalnde 06 / 08 / 2008 won mbaylaandi laamu wadi e leydi men . Duum won e men be weli , won e men be metti , won e men be mbelaaka didi di kala , kadi won e men be fof foti e mum en . Di mbaydiiji kala , ko e subngo neddankaagu jeyaa . Gooto e men kala neddiido dooftiima duum ( Subngo gooto e men kala ) .

Kono ko waawi won’de heen kala , tuggi nyalnde 27 / 12 / 2008 haa 05 / 01 / 2009 gede maantiniide mbadii e leydi men Moritani . Laamdo keso gardo o , Mohammed Wuldu Abdul Ajiiju , noddii bibbe leydi ndi yo ngar njeewtida e mahdi leydi men . Duum nginnir – mi dum , ko tonngol Koolol ( nyaldi coccondiral ) hitaande 1958 to Eeleega e diidngo ngooroodi kesiri leydi ndi . Ndeke e yiyannde am , kala jogiido yiyannde mum ena foti addude gila dadaaka.. E nder diin nyaldi , Lannda « AJD/MR » addii ballal mum , habaama heen e ballondiral biddo moritaninaajo goongdinnoodo miijooji lannda o walliti haa yoga e miijooji di tonngaa e ciimtol kubtidinngol Koolol ngol . Ena jeyaa e diin miijooji : safrude uube ( nyawndugol cadeele waraabe , gartirgol taccinanoobe , cafrugol kiibal Hardaneebe ) e habde e ceerndugol bidbe moritaninaabe (binnditgol moritaninaabe e mbaydi laabndi , peewnugol e peewnitgol kaayitaaji besngu moritanaabe kala , denndugol laamu , denndugol ngaluuji leydi , toddogol moritaninaabe caggal leydi …) .

Caggal ko nyaldi di benni ko , mawdo leydi ndi , Mohammed Wuldu Abdul Ajiiju , o yamirii jamirooje tati laabtude :

-binnditogol bidbe leydi to nder leydi ngam hebde kaayitaaji ,

-binnditogol ngam toddaade ,

-toddogol bidbe moritaninaabe caggal leydi .

De do tobbe tati , ena maantinii e besngu leydi ndi kala saka joginoobe de do cadeele . Ko duum wadi mbodo eeroo denndaabgal moritaninaabe , so Pullo mum , walla Capaato mum , walla Sooninke mum , walla Hardaane mum, walla Jolfo mum , nde kirjinta to nder leydi e to caggal leydi haa besngu men kala winnditoo . Yo hirjino ngo tekku , kadi yo ngo warnyu . Oto jawdo teppere , walla mbaddu mbabba , walla jolngo , walla noddirgel …

Wadi ngo eeraango , ko janngo oto neddo yiyde mo yidi toddanaade kono ronka toddanaade dum ngam waasnoode winnditaade . Duum , hay huunde jokkondiraani e won’dude e Hammadi walla Sammba . Duum firti tan , ko mooftude winnditannde mum , tan kadi banna haa yiya nde foti fellude kala fella. Ceernd-en sasa e “wolis” , dawrugol leydi men wonaa ngol Amriik walla ngol Farayse , ngol men ngol foti tan ko tuugnaade e ngonka men ( reyaliteeji men ) . Fulbe mbiyi : “mooro ko moorii-mi , sanco ko cancii-mi , cukuli men potaani addata ko boru hoyre ma xeggeende geenol”. Oto laaree wodbe . Mbinndito-dee e mbal-lee winndittoobe gila dartaaki nyalnde 15/03/2009 to caggal leydi .

Ngo eeraango hucciti ko e besngu moritaninaabe kala to nder leydi , kono haa teengti he wonbe to caggal leydi .

Mbodo yaafnoo so ena wadi pergitte miijo walla haala .

Yo GENO wallu en e peewal .

On njaaraama Aanemiin !


Sammba Cooyel BAH
do e Nuwaasii-lo- Sek , Farayse , 17/02/2009 .