Pulaagu.com / Lappol Baaba Maal e Daande Leñol e Dowlaaji Dentuɗi Amerik Ecrit par HADY ANNE

Gorko Duwayra wuro Njaak e Daande leñol kirjinii hiirde moolanaande Allah ñalnde dewo 25 Seeɗto 2010 ɗo digiral Tranquility Park to Houston, Texas; wuro nayaɓo ɓurgo mawnude e Amerik
Gila hitaande 1971 Houston ina waɗa kawral pine innirangal “Houston Festival” sibu kawral ngal herorinoo tan ko wuro Houston ngoo. Kono nde huunde ndee yaaji leyɗeele keewɗe noddaa, nootii, Houston natti heeroraade kawral "Festival” mum. Yuɓɓinooɓe kawral ngal bayli innde ndee e hitaande 1987: ɓe mbatti ɗum hakkunde leydeele, ɓe inniri ɗum “Ifest” (International Festival).

Woni faandaare kawral ngal ko ha leƴƴi aduna o fof mbaawa anndondirde; mo woni kala suusa goɗo oo, faama ɓural gonngal e natnatondiral leƴƴi. Ha teeŋki e yonta hannde, waawa yiyde e anndude pine goɗɗe.
Nde Baaba feeñi, yimɓe ɓee ngulli, Baru Sal ina tunnga cewɗi ina nduusa karlaaɗi, Maasammba Joob ina ñikla ɓittee wela! Diine gawlo (Mansuur Sek) ina werloo daaɗe les, fuutaŋkooɓe ina njaaboo daaɗe dow ! El Haaj Baaba Maal holirii yiɗɓe mum ko oo fuutaŋke, kaloowo pulaar, afriknaajo, ɓaleejo teddinɗo pinal mum, haɗaani mo jogaade humpito e pine keddiiɗe, ɗee o teddini, o hormii.
Won sikkunooɓe Baaba Maal ko Jamayka-naajo ( leydi Bob Marley ) sibu jubbi makko, e duƴƴaali diɗal daande leñol nanduɗe sahaa e duƴƴaali Wailers (diɗal Bob Marley). Kadi Jamayka-naaɓe nootitiima no feewi e hiirde ndee. Kala nde diɗɗal Daande Leñol wayli baar, Baaba Maal firat e ɗemngal engeleere laaɓngal; hol ko jimol ngol soomi, hol nde ngol feŋtaa e hol ko waɗi ngol yimeede ?
Baaba Maal e Daande Leñol kolirii, ko pulaar yimatee, ko Fuuta ƴoogatee kono mo woni kala ina waawi yiytaade heen hoore mum; haa teŋti e ameriknaaɓe e yolnde adunaare nde fof . Ko nalaŋkaagal e nalaŋkooɓe mbaawi ko, laamuuji e dawriyankooɓe fof pergitiima ɗoon haa murɓii.
Teskaama hikka kala ɗo Baaba Maal e Daande Leñol dewnoo ngoppidii yimɓe ɓe e kiikiiɗe mo hunuko waawaa haaltude. Washington Dc et New York nana keboo jaɓɓaade Jaalal leñol fulɓe.
Njillu Baaba Maal e Dowlaaji Denduɗi Amerik ha bada koko Haltetee

Kuɗol Haadii Aan

PULAAGU.COM que vous pouvez visiter!