Usmaan Saar tuuɗii jappeere!

Ceerno Usmaan Abdul Saar rootiima ngardiigu fedde : Baɗlal Alyatimeeɓe e Waayeeɓe Kooniŋkooɓe Muritani(BAWKM) e Farayse (AVOMM) e batu maɓɓe pattamlamu to Paris e oo dewo-hoyre –biir 4 Siilo .Yimɓe ummiima baŋ-yoo-baŋ hay ɓe ngonaa terɗe e fedde ndee tawtoraama.Usmaan Abdul Saar seedtanaama gollal moƴƴal e pellital mawngal gila oo ardii fedde ndee , kono ko nimsa mo woni kala e annduɓe oo gorko e pellital mum , cuusal mum goonga.Oo eerii yoo pellital won njooɓaari lomto makko . O nattii ardaade fedde ndee kono gollal makko e darnde makko woto hay gooto sikkito omo yahra heen caggal.Doktoor Muusaa Sih sabu teddireede woppii jokkondiral woppii kono ko Aamadu Baccili lomtiima, oon sifaama e nuunɗal.

Lomtii Ceerno Usmaan Saar noon ko Abuu Saar koolaaɗo kuuɓal haa batu ngaroowu e lewru Mbooyi 2009, nde goɗɗo suɓee e batu mawngu. Fedde ndee ɓamii anniyya yahde Muritani oorndoyaade mooliiɓe taccitɓe ɓee ngam anndu gonaangal maɓɓe mbele eɓe ngonaa e nder leydi maɓɓe tumoraŋkooɓe laawol ngoɗngol.


Mbiyen tan woto kulee tawde Usmaan Saar woppi ko ngardiigu kono haa jooniko o dariiɗo , dadiiɗo e hare potal e yooltude hujjaaji ɓesngu kooniŋkooɓe waraaɓe .Yoo geno won Baɗlo.


Mammadu Lih( nelal yaakaare.com)