Yimre: Nyoxxitel / Dembel Sall

Haqki ko law, lelii mi no kurkayel

Buklet baklet e mbalndi am no cukayel

Law tawi mi sastaama e zoyngol

Miin fof mi mozaama e ngol jam yamol

Hiimo hiimo ari e am no pinndinteezo e koyzol

Kaftii mi, toknyii mi,zuum fof dey ko e zoyngol



Cooynii mi dental mawngal no wonve e suudu Kaaba baqngagol

Niwnii-mi, kamve fof ko ve fulve to kadduki e nyaragol



Vooytaani njiy-mi yimve vee fof memi leydi e varfinaagol

Haa heddii gorko gooto dar daro e mavve tiimgol

O juuwi yimve vee, omo wiinyoo, no gonzo e jiilagol

Haa o naqngi gooto e mavve mo woni e poozgol

Oon e lemayru rewi e makko, haalaani hay koqngol



Ma o yettii nde kevtin mi Feetere Jeyngol



Goram omo naqngi e Mammadu Abdul Sek gorko mo Poolel

Dullinaazo e ngoo juqngo, fipaaki, voccitaaki ellee colel



O suuti juqngo makko o wiyi mo Feetere Minyam

Gorle ngartii e maaza gizam

Mi yamiraama mi fiiliima Farba lenyol am

Duq duqaaji taane maa ndillu haa too to Aanyam

Sabu Ko a Jahdoowo e Katante Lenyol am

Ibiraahiima Umar Kan gorko mo yeroyaave Aanyam



On taxtat maayo Njehon Jowol hay so ko e njuuwam

Xaaqon Sammba Cooyel Bah Baamum Tokaram



Tafon konu havotoongu humambinnaagu e lenyolam



Ruttu e haqki ngol lenyol a nanii Feetere jeyngol !

Wiztu, wiinyo ko men gila daane "NIIL" haa diiwaan Gorgol

Oto ngawlaagu maay, so roqkii zuum ko men ko wontata ko daarol

Yoo Diine yahdu e ko men no paamir-zaa nii Katante Lenyol

Mbujozee yimve vee haa kevon fellitve no o Sammba Cooyel Barogal jowol



Zoon tan ngirnyitii mi no garaazo Nyoxxitel

Lemii mi, mi yiyaani hay nezzel

Kettindii mi mi ejaani hay viicaango comel



Paam mi ngonnoo mi tigi ko e koyzol

Mbeltii mi en cuvanaa ma zowoove e ngol bolol

Mammadu Abdul, Sammba Cooyel e Katante Lenyol

Ko on tammbii ve njikkeeji e yaakaare ngol lenyol



Yoo Joomiraazo rukku on nguurndam e balze juuzngol

O moxxina battannde mon e kuuvgol

Aamiin, aamiin yaa ko Murtuzo Tampi e ngol lenyol.


Winndaa ko Miiro

Nyalnde 25/12/ 09 saanga 04h 06 subaka

Dembel Sall
laam_toorosall@hotmail.com