Yimre: Dental / Ibra Miifo Soh mo Jowol e FLAM

Mbiy mi ko tuma nde noppi kattii ngal golal

Nde gite maɗi beeli sooynaade ngal majal

Nde teppe cumi caasi njiilaw e ngal ceenal

Nde juuɗe ɗaati ɗaasɗi wayrude ngal demal

Dental ngal ko Bural

Mbiy mi ko nde lekki oli yani laatii janal

Nde huɗo sumi yoori yahdi e kenal

Nde maayo e beeli e boyli e caalli ceeri e dihal

Dental ngal ko jaalal

Mbiy mi ko nde jawdi majji pulon kooɗa nehal

Nde liɗɗi ndogi subalɓe ngaan’di e banal

Nde sagataaɓe peri gure kattii diɗɗal

Dental ko balal

Mbiy mi ko dental doole miskineeɓe sooñaaɓe

Hannde ñubiniiɓe jebbiliiɓe

E balle bajjo tan sabbiiɓe yowitiiɓe

Mbiy mi ko dental rewɓe e worɓe

Sukaaɓe e mawɓe, ɓaleeɓe kam e raneeɓe

Baasal e humambinnaagu saliiɓe riiwtooɓe

Fenaande e fuunti haɓatooɓe firtooɓe

Goonga e potal leƴƴi leydi lelnooɓe renooɓe

Mbiy-mi ko dental e koddigal

Muñal e peewal

ñiiɓata ko maa ɓalal potal

Hurloo ngaal gon’digal.

Ibra Miifo Soh mo Jowol e FLAM

Sehilbaabi 1984.



Source: Flamnet