ƁATAAKE HABRIRDE PULAAGU.COM 17 SEEƊTO 2010

Musidɗo tedduɗo

Njaɓɓoɗee calminaali amen ɓurɗi teddude ena ngonndi e duwawuuji nde haajuuji e hammuuji men kala Alla newnanta-en kala sahaa. En ngartii e ɓataake men habrirde ngam yettinde to mon joljole battindiiɗe ɗe PULAAGU.COM haɓi siimtante renndo ngoo.
Kabaruuji ɗi men neldata-on hannde ɗii kala ena njogii maanaa no feewi e renndo ngoo haa- teeŋti e Daakaa Madiina Gunaas ɗo jaayiya mawɗo yani e almudɓe ummiiɓe baŋ-yoobaŋ,ngam rewde e teppe Ceerno Muhammadu Sa'id Bah (RTA).
So ɗum ɓennii, tintee wonde Pulaagu.com ko ko jogori udditde yeeyirdu e-njulaagu (bitikel) ngam yeeyde jaltuɗe logoo men oo. Oɗon mbaawi yaajnude kumpital mon e oo fannu keso e winndannde ardunde e oo ɓataake. Onɗon ñaagaa onon kala nde mballat-on lowre ndee renndinde doole ngam siynude eɓɓanɗe naamniiɗe kopporeeje. Kala ko soodaa e bitikel ngal ena walla lowre ndee e njogitaari to baŋnge booñ sabu jawdi iwoondi e jaybaaji amen ndii waawaa nawde-en hay nokku! Ngati eeraango weddaama feewde e fulɓe, e yiɗɓe pulaar.
Pulaagu.com ena jogori kadi udditde boowe baŋŋino (espaces publicitaires) ngam hokkude-on fartaŋŋe baŋŋinde joljole walla marsandiis walla njulaagu mon e lowre ndee. Nganndee joljole keewɗe ena mbaɗa tawa hay gooto tinaani nde wonno en cuwaa tawo finande yoɓde ngam golle men ena kaalee e rajooji walla njeeynee e lowe geese. Kala jiɗɗo humpitaade no ɗum yahrata yoo jokkondir e amen. Ma min kabru renndo ngoo nde njeeygu nguu fuɗɗotoo e hol no heɓortoo wonande wonɓe e France, Amerik e (waastaa) Afrik.
Jakkaa men oo eɗen katojini e nde yimɓe ngarata yeewtude e makko. Ena saɗi fannu nguurndameeje men mo alaa e makko, cuuɗi jeewtirɗe mbayi ko hono kooce! En udditii yeewtere Tijjaani Aan ngam roɓindaade seedantaagal gooto e men kala fayde e golle makko. Fannuuji goɗɗi kadi ko wayi hono Pulaareeje, njalniika mbaɗaama e Jakkaa oo. Baawɗo e mo waawaa winndude pulaar fof ena waawi arde e jakkaa oo sabu ɗemɗe fof ena jaɓee e makko. Ɗum noon kawree e kuɗi mon sabu binndol ena moƴƴi e ekkotooɗo kadi ena tiiɗtina mbaawka ɗiginɗo.
Min njiɗaa juutnaade e oo ɓataake sabu kabaruuji ɗii ngoni ko teeŋti; kono Pulaagu.com ena habra-on wonde en keɓii tonngoode Faks (fax) caggal nde tonngoode ñiiɓnde haɓaa. Kala jokkondiroowo e lowre ndee yoo noddu +33 977 218 258 walla nelda faks to + 33 272 685 841. Haa jooni imeeluuji amen ena ɗoon so on njiɗii jokkondirde e amen.

On calminaama
Kalfinaaɗo kumpital
Haadii Aan, Cincinati, OH, D.D Amerik
hady.anne@pulaagu.com
--------------------------------------------------------------------------------

DAAKAA 2010: Cumu mbonngu warii yimɓe tato haŋki to Madiina Gunaas

Daakaa hikka ena jambita jaayiya mettuɗo caggal nde jaynge ruppitii e leygal "NDar" to Daakaa toh. Ko sahnga tisubaar nde ɓenni seedeeji mbiyi jaynge ngee huɓɓi caggal nde jeeyoowo njarateeri nguldi "tanngana" woni e defde boofooɗe. Ko ndeen jaynge ngee jaggi e huɗo suudu, woni e ruppitaade. Ɗoon e ɗoon, e ballal henndu wuttatnoondu, lewlewndu nduu fuɗɗii jaaggude e kala ko huɓɓata. Ko ndeen jaynge ngee yettii Daakaa Galoya e mo Ceerno Madiina Gunaas, Ceerno Aamadu Tijjaani Bah.

Lire la suite
--------------------------------------------------------------------------------

ISLANNDA: Wumboldu moolanaandu aacciima ndoondi e asamaan Orop!

Bowal weeyto leyɗeele Orop keewɗe uddaama caggal nde wumboldu ruppitii to leydi Islannda. Laaɗe diwooje beeyooje e Orop worgo kala kaɗaama diwde sabu ndoondi tekkunde e cuurki ɗi wummboldu nduu wukkiti e asamaan hee. Laaɗe diwooje ena kulaa so kawrii e ruulde ndee ena mbaawi waasde guccorɗe mum'en, lohna kisal ɗannotooɓe . Ko ɗum waɗi leyɗeele keewɗe ɓadiiɗe haaɗngo Rewo uddii boowe weeto mum'en ngam kulol diwooje ena mbaawi heɓde caɗeele bonɗe! Hohooɓe Angalteer kollitii wonde hay laana ngoota diwataa walla juuroo e leydi ndii e ñalngu Mawnde nguu.

Lire la suite
--------------------------------------------------------------------------------

PULAAGU.COM: Lowre men woni ko e heblude yeeyirdu geese (e-commerce)

Pulaagu.com haa jooni ena jokki e darnde mum addande fulɓe eɓɓanɗe kese, miijooji e juɓɓule nawrooje ɗemngal men yeeso. Ko goonga haa jooni wonde yiɗde men ko ɓosnude kadi renndo ngoo, nawra-ngo yeeso no keew-ɗen waɗde nih. Kono tan, en njiɗii ummaade e yarlitaare tan walla ittude e jaybaaji men. Ko ɗum waɗi eɗen eɓɓa udditde yeeyirdu ɗoo e lowre ndee ngam renndinde ngalu mbaawngu ittude-en ɗo njahrat-en ɗoo.

Lire la suite
--------------------------------------------------------------------------------

PELLE E DENTE: Fulbe, ñemmben Kawtal Pelle Nuwaadibu to leydi Muritani

Hewii to nanaa dental fulɓe weeɓaani, hay so woodii, heewaani yuumtude. So teskaama ko konngi jebbiliiɗo e kofɗe juuɗe mum ngam dental fulɓe. Ko Nuwaadibunaaɓe tigi njeddi ngol konngol nde tafi fedde wonde njartudi pelle pine, pelle gure e diiwaaniyankooje. Fedde Kawtal Pelle Nuwaadibu renndinii 32 fedde wiyoobe mbiy-mi jiiduɗe anniya. jooɗodtoode pewjida, kawra ciyna, mbaɗana renndo fulbe ngartam.

Lire la suite
--------------------------------------------------------------------------------

TIGILDE KELME: En ngartii kadi ñiklude hakkillaaji e ndee tigilde hesere!

Colftal ngaanndi, ena anndaa, jeyaa e ko ɓuri hannde waawde tiiɗtinde jaŋde e miijo e pulaar, foti ko ciifti, tinndi walla gaanti. Kono haa jooni to baŋnge binndol ena ŋakka ko addanta fulɓe ɗoofde jubbi mum'en Alla e saɗeende! Ko ɗum waɗi Pulaagu.com ena addano-en sahaa kala ko ena gaannta, ena aanna hakkillaaji men, ngati ko ena hawjina gilɗi ko'e men! Tigilde ndee hannde ko Lihduɓe nde inniraa sabu maɓɓe mammude e ñaamde, haa teeŋti e ko ɓe ɓuri yiɗde koo, mi yejjitii nih no wiyetee!

Lire la suite