Teddungal Saarɓe e Lihduɓe?

Accaa Saar e joom galle Abuu Paate Soh jeyaaɓe to Ganngel -fiji-borti sara Galoya e falnde podoor mbisminooma en hannde e hoyre-biir to galle maɓɓe e diiwaan Paris ,e tawtoreede Dawuuda Sammba Jeeyi naalaŋke keɓiiɗo,newiiɗo jarlitiiɗo e kala sahaa..Huunde fof e fuutankaagal waɗaama toon, gila e liɗɗi maayo: cide,koyɗaali porjo-borji haa e daneeji.

Ataaya bilaa-naanaa e gaaci belɗi taaraa e malisaajo.Fuutaŋkaagal mawngal,jeewte guurɗe.

Kono ndeke laana kaangaaɗo teeroytaa,so Soh-soho resii Saar-saaro mbismiima Lihdo ngal teddungal haa yiyee to joofat?Ko gane daɓɓe,kine ɓaleeje, woni cuɗaari hiraande maɓɓe.So tawiino wonaa ɓiyiiko Haamiidu tokosel maa mi wiyat ko bulet maɓɓe e defde ñebbe kono ndeke jibinannde Farayse anndaa tooke denɗiraagal sabu sukaaɓe leydi ndii penataa.Cukalel ngel wiye e ñalnde fof neene am ina defa ɗum e galle he ko ndee baaba am jalata weltoo!!!! kulaali luuki,hoɗɓe kirndi.Ngal teddungal ko yeru Gisenaajo e Sal-salo:yette Gise oo wiyi ina nehi waandu kala desɗondu o rokka ɗum miliyoŋ waandu diwɗi ko juuti haa sal-sal joom hakkille humani waandu heɓi miliyoŋ fayti to rajooji wiyi:mi humanii waandu nduu kono taw-mi ko ndu reedu jaleeɗe kooti e jom jawdi.Kono teddungal daasetaake roondete.

source:
Mammadu Aamadu Lih
Yaakaare.com